Mizo Section Archive Index

MIZO SECTION: JULY 2004

MCGN is a non-profit, non-denominational Christian organization promoting spiritual renewal and economic development of the people in Mizoram and the surrounding region by serving them as Jesus did. (Mt. 20:28)

"Buh seng tur a tam hle si a, nimahsela, a thawktute an tlem; chutichuan, a buh seng tura thawktu turte tir turin buh Neitupa henah chuan ngen rawh u" (Mt. 9:37-38.)



HRIATTIRNA----Article ziak duh tan, phek khat aia seilo leh edit sa, a hnuaia email-ah thawn theih a ni; hming leh address dik tak nen.



DAMCHHUNG TANG TUR LEH CHATUAN ZALENNA
By Ngeni Mualchin, MCGN International HQ, USA

Tan-in (Jail or prison) rawngbawlnaa ka in hman chin chu ka rilru hian an tana tawngtaina leh an hriatthiam zawnga thuchah sawidan ka ngaihtuah thin a. Tang thenkhatte kan han biak hian an dinhmun atangin Pathian hmangaihnate, dawhtheihnate, duhsak bik a neih lohte, a ngaihdamna nasatziate, an hmuh dan tur min ngaihtuah tir bawk thin a ni.

USA tan-ina kan rawngbawlna atangin tang thenkhatte hnenah lehkhathawn ka ziak thin a, chung zinga mi 3 te chu damchhung tang tura dah an ni. An tan beiseina a awm lo a tih theih hial awm e. Mihringte chuan Pathian angin ngaihdamna theih loh chin a nei a. Ngaihdamna chungchangah hian, Pathian ngaihdamna a danglamzia leh a thukzia min ngaihtuah tir fo thin.

June 19, 2004 khan damchhung tang tura an dah pakhat kan rawngbawlna atanga lo piangthar chuan tawngtaipui a mamawhna min hrilh a. “Jail atangin Prison-ah ka in sawn dawn a, khawiahnge ka kal dawn ka hre lo. Engtikahnge min sawn dawn ka hre lo” tiin. Ka rilrua lo lang hmasa ber chu hla pakhat Jim Reeve-a sak thin “Like a bird from prison bar has flown, I’ll fly away” tih a ni. Tichuan June 21 ah lehkha hetiang hian ka thawn a.

“Kristaa unau duhtak, i tan kan tawngtai reng e. Khawiah pawh kal la Lal Isua i hnenah Thlarauvin a awm reng a. I taksa chu damchhung tang turin taninah dah ni mahla, i thlarau Lal Isuan a zalen tir kha hre reng rawh,” tiin, a chunga hla chang khi ka ziak tel bawk a.

Lal Isuan zalenna kawng min hawnsak leh zalen kan lo nih hlut zia kha, tanin-ah a awm vangin a theihnghilh ang tih ka hlau a ni. Mi tamtak, kei ngei pawhin, tisa harsatna tawh laiin Lal Isua tlanna hlutzia aiin harsatna ngaihtuah lungngaihna a nasa zawk fo a ni. Chuvangin Krista-a ka thian damchhung tang tur pawh chuan chatuan zalenna a neih hlutzia a ngaihtuah fo ka duhsak a ni.


JULIET FLORIO MEMORIAL SCHOLARSHIP 2003 HMUTUTE
Laltlanzaua, Zawldawna fapa, Hmunlai, Lawngtlai District.
Lalhruaitluanga, Vanthansanga fapa, New Colony, Saiha.
Lalrampana, K. Lalzawnga fapa, New Colony, Saiha.
K. Laldinthara, K. Relliana fapa, Lungzarhtum, Saiha District.
Lalchhandama, Ronghingloa fapa, Chandmary III, Lunglei.
Lalhruaichhuaka, K. Lalrammawia fapa, K. K. Home, Lunglei.
Lalhriatpuia, Kiauvunga fapa, Vawmbuk, Saiha District.

---IDEAS, ADVICE, AND COMMENTS ARE ALWAYS WELCOME---

MCGN International HQ: USA: Lalliana Mualchin (Email: mualchin@hotmail.com)

News Compiler: Ngeni Mualchin (Email: mualchin@hotmail.com)

Editor: Patricia Macy (Email: mailto:pamacy@netzero.net)