MIZO CHRISTIAN GLOBAL NETWORK

MCGN is a non-profit, non-denominational Christian organization promoting spiritual renewal and economic development of the people in Mizoram and the surrounding region by serving them as Jesus did. (Mt. 20:28)

"The harvest is truly plentiful, but the laborers are few. Therefore pray the Lord of the harvest to send out laborers into His harvest." (Mt. 9:37-38)

MIZO CHRISTIAN GLOBAL NETWORK KUM 10-NA, 2006

Mizo Christian Global Network (MCGN) kum sawm (10)-na a thleng ta. Tum leh beisei aia nasa thiltih lawmawm tak tak awm te hi Lalpa thiltih ropui tak a ni. Pathian rinawmna leh venin harsatna tamtak kaltlangin MCGN rawngbawlna a kal zel a; Pathian chu fakin awm rawh se!

MCGN hmuchhuaktu leh President, Dr. Lalliana (Liana) Mualchin hi USA ah Ph.D. zir tura 1967-a a kal atangin, Mizoram chhimlam kohhrante a tanpui thin a. Pastor Bible zir a chawm a. A nupui, Pi Zangeni (Ngeni) hi chhimlam Mizo hmeichhe zinga Bible College kal hmasa a ni a; Zoram Baptist kohhran-a rawngbawlna chelh tawh leh missionary ni duh fo a ni a, Jail Ministry ah pawh USA, Mizoram leh Burma ah a in hmang thin. An inneih hnu hian Zoram kohhran theih tawkin an pui zel a; pastor Bible zir chawm in, lehkhabute kohhran tan an thawn a, kohhran tan lehkha chhutna khawl (Printing Press) an lei sak bawk. An duh ber chu missions a ni a, a bik takin Chanchin Tha la hre lo hnam (Unreached Peoples) te hnena a theih ang apianga Chhandamna Thu puan a ni. An awmna USA ah pawh Missions lam zirtirna leh thiltih ah anin hmang reng.

Liana hian Pathian Thu zir a chak thin a, tichuan a hun awlah Simpson College-ah Pathian Thu a zir laiin Zoram a vei thute an pawlah a sawi thin. He College hi missions vanga kohhran lo indin, Christian & Missionary Alliance te siam a ni. An hotu leh a zirpui (Pastor) te chuan mahni chauh a thiltih a harsa a, USA-a Mizo awmte nen pawl siam a tha ang tiin an rawn a. Tichuan, Maryland leh Washington DC vela awm Mizo ho a be ta a, an ni pawh chuan tha an lo ti a; MCGN hi June 6, 1996-ah a lo piang ta a ni.

A tir atanga MCGN vision phurpuitu leh rinawm taka lo thawktu zawng zawng te hnenah lawmthu awm rawh se. An thil tha tihte Lalpa-ah a thlawn ngai lo. MCGN chuan Chanchin Tha la hre lo hnamte’n an lo hriat theih nan thawk turin hmalam pan zel a tum. Midangte nen Lalpa buhseng turin thurual taka thawh tlan a duh em em a ni. Hei hi Pathian ropuina, kan tihtur leh dam chhan ropui ber ah a ring.

HRIATRENGNA

MCGN duhsak leh tanpui tu duhawm tak tak, he khawvel chhuahsan tawh an awm nual a. An hming leh a kum te nen hriat reng a chhinchhiah a ni.

Dr. Peter Allinger, Communication lam thiam leh MCGN duhsaktu (2000)
Pu Rina Sailo, Mizoram-MCGN Executive Director hmasa ber (2001)
Pi Betty Hogan, phal takin scholarship fund-ah a pe (2002)
Ms. Juliet Elizabeth Florio, a hming pu a scholarship siam (2004)
Dr. Khuangliana, Mizoram-MCGN Chairman leh hruaitu hmasa (2004)
Pi Maryline Elizabeth “Sue” Manning, MCGN thian leh tanpuitu (2006)
Dr. K. Neill Foster, Mizorama Leadership Training va siamtu (2006)

Pu Bob Gordon-a, Liana’n pa anga a neih leh thurawn pe thintu chu MCGN din hmain, 1995-ah khawvel a chhuahsan a; hengte hi han hre ve se a lawm hle ang.

LAWMTHU SAWINA

MCGN Headquarters-ah Mizo chhungkua pakhat chauh an awm vangin, American thiante tanpuina an mamawh a. Tin, USA-ah dan anga pawl siam leh ding zel turin mi pathum (3) tal Board atan a ngai bawk a. Thian tha Pi Marian Hanna-i, Pu Jeff Mead-a leh Pi Patricia Macy-i te’n an tihpui. A tul angin Pathianin mite a rawn hruai thin.

Pu Jeff-a chuan MCGN web-side a siam a, vawiin thleng hian chu chu hman a ni. Jeff-a kal hnuin Ed Morales-a’n technology lamah a pui. Pi Marian-i pawisa enkawltu a ni a, rinawm takin a kawl. Pi Patricia-i’n thil ziak endik a pui a, Mizo missionary pawh sumin a tanpui a, Mizo Leadership Training (MLT) laiin Mizo mikhualtu leh chawchhun hlimtaka tumtu a ni. Pi Nancy Egloff in chhiah (tax) pek chungchang thurawn tangkai tak a pe.

Liana-te thenawm, Pu Bill Thorpe-a duhsakna vangin Fielding Institute, Santa Barbara hotute nen inhriatna a awm a. 1999-ah an Research Team chu Mizoram chanchin zir leh tanpui theih dan tur zawngin Liana’n a hruai a, chumi atang chuan Mizoram Action Research Center (MARC) a lo piang a. Mizoram Sorkar pawhin nasa takin a hlutsakin a tanpui a, Nodal Officer lai an thiltih enkawl turin a ruat a ni. Mizoram sorkar hotute tan lakna duhawm tak hi hriatreng tlak a ni.

Missionary Thawnthu “Sensei” chu Pi Nongheli (Novi) leh Pu Kharmawia (Khara) te nupa, Serkawn High Sikul zirtirtu te’n Mizo tawngin an letling a. A chhut hmasak kum (2002) chuan Mizorama lehkhabu lehlin tha ber zingah thlan a ni. Lehlin phalna hi Sensei ziaktu fapa, Pastor David Hitt-a’n MCGN hnenah lawm takin a pe.

Park Community Church, Shingle Springs-a Liana-te an kal laiin, thla tin tanpuina MCGN kohhran-in a pe. Tuna an kohhran, Church of the Foothills, Cameron Park hian Bible leina leh 2004-a Thailand zin dawna senso tanpui nan an pe bawk. First Baptist Church, Pollock Pine in MCGN rawngbawlna sawina hun an pe a. Heng kohhrante hriatpuina leh tanpuina hi a lawmawm hle.

Mizoram-MCGN buaina awm hnuah, Christian Research Center siamtu, Dr. P.C. Biaksiama leh NGO lama rawngbawl thin, Miss Sangpari Mualchin te chuan an enkawl a. Mizoram-MCGN sorkar hnena registration lehkha pawimawh te la chhuakin, tihtur hrang hrang tlawmngai takin an thawk. Lairam Isua Krista Baptist Kohhran Pastor, Rev. Lalsangliana’n a lo tanpui bawk thin.

Heng bakah hian, Liana leh Ngeni thian leh chhung te, kohhran hotu thahnemngai te, leh ram hruaitu te’n, hotu dinhmun beisei lova tanpuitute an awm a; hetah hian an hming sawi vek a ni lova. An hnenah lawmthu awm sela, Pathianin malsawm rawh se!

MCGN THILTIHTE

A hnuaiah MCGN thiltih tlangpui enlet lehna tarlan a ni a; a dangte pawh hmun tlem vangin kan tilang lova; kan Chanchinbu Newsletters ah hriatreng turin kan tarlang tawh bawk a.

1996-ah Lian-a’n MCGN din veleh sorkarah registration a siam a, Simpson College a zirpui Cambodia mi, Pastor Joe Kong-a’n an tihdan a pe a; tuna Japan rama missionary ni mek, Pu Tom Rutherford-a’n a tanpui bawk.

1997-ah Mizoramah MCGN din thu Liana’n a thlenin, lawmtakin mipui pungkhawm chuan an lo pawm a, tichuan phurtakin Mizoram-MCGN chu an registered nghal a ni.

1998-ah Liana leh J.P. Ferraro-a video-a Zoram awmdan la turin, Mizoram chhim lam thlengin an kal a; LPS te’n nasa takin an lo tanpui.

1999-ah Liana’n Canada mi Pu Stuart Spani-a leh Fielding Institute, Santa Barbara, California atanga Research ti mi 20 vel Mizoram-ah a hruai a. Chu chuan Mizoram Action Research Center (MARC) a tichhuak a. An zinga pakhat, Pi Denis Segor chuan a research tih chhunzawmin Mizoram-ah a kal leh a; tun (2006)-ah a doctorate dissertation a zo ta a lawmawm hle. MARC member pakhat Dr. Mary Beth Haines thatna vangin naupang pipu uaina te engemaw zat Zoramah pek a ni.

2000 atangin USA-ah leh Mizoram-ah Jail ministry Ngeni’n a tan a, 2005 kum tluanin official-in Jail Ministry Aizawl-ah Sangpari Mualchin (Partei) hovin an ti.

2001-ah Mizoram chanchin milem nena lehkhabu a siam buatsaih nan, milem siam turin India milem siam thiam chhawr a ni. Chu lehkhabu chu siam thuai beisei a ni.

2001 ah Mizo Leadership Training (MLT) California-ah neih a ni. Pastor Bruce Moore, Liberty Christian Center, Fairfield tanpuina leh a thlawna thusawitu tlawmngai te (Harold Kurtz, Frank Dietz, Mary Beth Haines, Lanny Langston, Tim LeFever, Pastor Brian Long) te vangin tih theih a ni. Hetih lai vek hian Perspectives on the World Christian Movement zirna pawh a awm a, an hotu Pu Bruce Logan-a’n a thlawn a zir MLT a lokalte a phal a. Pi Nanci Glogauer, Parasol Foundation hotu chuan MLT-te tangkhawma an thiltih dan entirin, Lake Tahoe-ah chaweina duhawm tak a siam sak bawk.

2001 atangin Juliet Florio Memorial Scholarship High School zirlaite pek an ni, mi thahnem ngaite’n an tanpui.

2002-ah Mizo electronic Bible (eBible) tan a ni a, 2006-ah peih fel a ni. Tun hma pawhin tih duh a ni a, Pu Robert Wood-a’n Johana Bu Mizo tawnga electronic copy a rawn thawn hmuh atangin e-Bible siam phurna leh hmalakna a tichhuak.

2002-ah Japan rama Missionary Chanchin (Sensei) Mizo tawngin lehlin a ni.

2002-ah Missionary Bob Harisson-a leh Liana’n Chhimtuipui Bial Kohhran te hnenah-ah Leadership training an pe.

2003-ah Liana articles ziak chu Mc Awi-an a buin a chhuah, a tha hle.

2003-ah Bob Harrison-a, Dr. K. Neill Foster leh a nupui (Marilynne) Mizoram Chhimtuipui Bial-ah an kal leh a. Neill-a hian Aizawl-ah Leadership Training a ti leh. He mi tum hian Dr. P.C. Biaksiam-a’n Aizawl atangin a hruai a ni.

2003-ah Thutak Nunpui Tu (TNT) tan puan sukna leh tihro-na khawl lei sak a ni.

2004-ah Thailand-a Mizo missionary, Dr. Zothansiami (Tetei) Ralte rawngbawlna Liana leh Ngenin an tlawh a. Liana passport leh Visa an thlenin pa in a bo palh vangin Burma an kal thei ta lova, Tetei-te nupa in an lo enkawl an lawm hle. Tin, US leh India Consulate, Chiangmai te’n special takin Passport leh Visa an tih hmat sak vangin a hun takah India an kal zui thei an lawm hle bawk.

2004 atangin Mizoram Jail-ah Thuthlung Thar Mizo tawng leh Hindi tawng, a vaiin bu 1,000 aia tam pek chhuah a ni. Church of the Foothills (COTF), Cameron Park leh thian thenkhatte’n an tanpui.

2005 atangin Asia ram lai leh China khawthlang lam ramri vela Mizo missionary thawk thlatin tanpuina pek reng a ni.

2005-ah “Purpose Driven Life” lehlin phalna MCGN in a nei a, Rev. Dr. P. Lianzuala’n a letling. Lehlin endik (review)-tute duh dan a nih loh vangin Lianate nupa in an siam tha mek.

2006 March-June ah Maryland-a Mizote zinga thubuai awm vangin Liana chu Maryland Administrative Law Judge hma-a an thusawi Mizo tawng a letling turin, LA Institute of Translation & Interpretation in an rawn dil a, a tihsak.

Burma rama tanpuina thawnte: Nau Hnuchham Chawmna (Orphanage) tan, Christian Boys’ Hostel sakna, Peace Conference atan, Khaw kang tanpuina, Jail-a tang te leh Buddhist te hnena Bible sem tur leina.

LIFE MEMBERSHIP

Life member-te, hming hawrawp indawt danin; USA awm vek an ni.

Mr. Lalchungnunga Bawitlung
Ms. Phyllis Campbell
Ms. Juliet Florio (late)
Ms. Mildred Gordon
Ms. Marian Hanna
Mr. Lalhruaia
Ms. Patricia Macy
Ms. Jackie Rasmussen
Mr. Benedict Shing Mang
Dr. Lalliana (Liana) Mualchin
Ms. Zangeni (Ngeni) Mualchin
Ms. Lisa Rinsangi Mualchin
Mr. Timothy Rinawma Mualchin

MCGN BOARD

Tuna Board memberte:

President------------Dr. Lalliana Mualchin
Secretary------------Mr. Lalchungnunga Bawitlung
Treasurer------------Ms. Patricia Macy
Board Members----Ms. Marian Hanna
-----------------------Ms. Jackie Rasmussen
-----------------------Ms. Zangeni Mualchin

Pathian hnenah lawmthu awm rawh se!

---IDEAS, ADVICE, AND COMMENTS ARE ALWAYS WELCOME---

MCGN International HQ: USA: Lalliana Mualchin (Email: mualchin@hotmail.com)

News Compiler: Ngeni Mualchin (Email: mualchin@hotmail.com)

Editor: Patricia Macy (Email: pamacy@netzero.net)